«Байсерке-Агро» оқу және ғылыми-өндірістік орталығы озық шаруашылық пен жоғары технологиялық білім берудің синергиясын құрды. Орталық Алматы облысы Панфилов ауылында орналасқан және өзінің зертханалары, ғылыми-зерттеу базасы, жатақхана, асхана және оқу сыныптары бар.
Орталық жетекші ғылыми ұйымдар мен университеттер үшін оқу-өндірістік алаң болып табылады, еліміздің жоғары оқу орындарымен және шетелдік сарапшылармен белсенді түрде ынтымақтасады.
Заманауи конференц-залмен, компьютерлік сыныппен және зертханалармен жабдықталған орталық орта және жоғары деңгейдегі мал шаруашылығы мамандары үшін біліктілікті арттыру курстарын ұйымдастырумен және өткізумен айналысады.
Қазақстанның түкпір-түкпірінен мыңнан астам студент пен жеті жүз маман тек теориялық білім ғана емес, сонымен қатар, құнды практикалық тәжірибе алып, орталық қабырғасында оқудан өтті. Оқыту келесі бағыттар бойынша жүргізіледі: ауыл шаруашылығы дақылдарын өсіру технологиялары, мал шаруашылығы және ветеринария, сүт өндірудің халықаралық стандарттары, сүт фермасының жұмысын ұйымдастыру және т. б.
Орталық аграрлық ғылым мен өндіріс саласындағы білім мен тәжірибенің өзара алмасуына ықпал ете отырып, білім беру, ғылыми зерттеулер мен практикалық қызмет үшін бірегей ортаны ұсына отырып, кәсіпорынның миссиясы мен стратегиясының өзегі болып табылады.
«Байсерке-Агро» ОҒӨО Қ.Қ. Богусбаевтың басшылығымен ғалымдар органикалық тыңайтқыштар мен биопрепараттар өндіру үшін мал шаруашылығы қалдықтарын қайта өңдеудің ресурс үнемдейтін және экологиялық қауіпсіз технологияларының инновациялық технологиясын әзірлеп, енгізді.
2023 жылғы 26 қазаннан бастап «Байсерке-Агро» оқу орталығы базасында заманауи өндірістік жүйелерді ескере отырып, сүт өндіру саласында консультациялық қызметтер көрсетілетін, сүт өндіру жөніндегі құзыреттер мен консалтингтің қазақстандық-германдық орталығы жұмыс істейді.
