“Байсерке-Агро” жылқы зауытында қостанайлық жылқы тұқымын жандандыруға және елімізде ат спортын дамытуға арналған дөңгелек үстел өтті.
Қазақстанның асыл тұқымды жылқы зауыттарының, қоғамдық ұйымдардың, мемлекеттік органдар және Ұлттық аграрлық ғылыми-білім беру орталығының өкілдері қостанай жылқы тұқымын жаңғырту жөніндегі жоспарлар мен жол картасын талқылады.
Қостанай жылқы тұқымы-арнайы спорттық бағыттағы және ұлттық ат спорты түрлерін дамыту үшін кеңінен қолданылатын қазақтың жалғыз спорттық ат тұқымы. Ол 1951 жылы Қостанай, Майкөл және Троицк (Ресей) жылқы зауыттарында қазақ биелерін қалмақ, дон, стрелец, орлово-рустончинск, англо-араб және асыл тұқымды жылқы тұқымдарының айғырларымен қашыру арқылы шығарылды.
Қостанай тұқымының асыл тұқымды мал басы Қостанай облысындағы “Қазақ тұлпары” жылқы зауытында, сондай-ақ Павлодар, Солтүстік Қазақстан облыстарында шоғырланған.
Бұл тұқымның жылқылары жоғары жұмыс қасиеттерімен — күшімен, төзімділігімен ерекшеленеді және Қазақстанның климатына жақсы бейімделген.
Айта кетейік, қазіргі уақытта жылқылардың бірегей тұқымының жойылып кету қаупі бар. Қазіргі уақытта асыл тұқымды кітапта 200 – ден аспайтын мал басы бар, ал “Қазақ тұлпары” асыл тұқымды зауытында (Қостанай жылқы зауыты) барлығы-48 ғана бас бар.
“ҰАҒБО” АҚ Басқарма төрағасы Бауыржан Қасенов спорттық жетістіктер тұрғысынан да, туристік және экологиялық бағыт ретінде де елімізде ат спорты мен жылқы шаруашылығын дамытудың маңыздылығын атап өтті. Ол Қазақстанның жері мен жақсы дамыған инфрақұрылымды қоса алғанда, ат спортын дамыту үшін ерекше жағдайлары бар екенін атап өтті.
Дөңгелек үстел қорытындысы бойынша “ҰАҒБО” АҚ, “Байсерке-Агро” және “Қазақ тұлпары” өкілдері осы жылқы тұқымын жаңғырту бойынша ынтымақтастық туралы меморандумға қол қойды.
Келісімөшарт аясында “Байсерке-Агро” агрохолдингі инфрақұрылымды, зертхананы тегін ұсынады, сондай-ақ селекциялық-асыл тұқымдық жұмысты қаржыландырады.
“ҰАҒБО” АҚ осы саладағы ғылыми-зерттеу жұмыстарын дамытуға қолдау және жәрдем көрсететін болады.
